ဘန်ကောက်ဒိုင်ယာရီ

ဘန်ကောက်တဲ့.....။
ရန်ကုန်နဲ့ ဘာများထူးမလဲ....။
ပူတာချင်းက အတူတူ...ဒီကတောင်ပိုပူသေး....။
လမ်းတွေကလည်း ပြောင်းပြန်....။
ကားတွေကလည်း ကြပ်မှကြပ်....။
အဲ...အလကားစီးလို့ရတဲ့ လိုင်းကားတော့ရှိပါ့....။
စကားကလည်း မပေါက်... ဒီကောင်တွေက မြန်မာတွေဆို နှိမ်ချင်သေး...။ တင်းတယ်...။
ဒီမှာ ရှော့ပင်းမော...တွေက အများကြီး..။ ဟဲဗီးတွေ....။
ဈေးတွေကလည်း တစ်ထောင်အောက်မဆင်းချင်ဘူး....။
MBK ဈေးတော်တယ်ဆိုလို့ သွားပါတယ်...။ အောက်ဆုံးက ၂၀၀ လောက်ရှိနေတယ်။
ပြန်ထွက်လာတော့... လမ်းဘေးချရောင်းနေတဲ့ ညဈေးက ဈေးတော်တော့ ၀င်မွှေလိုက်တယ်...။
ဘော်ဒါတွေက မိန်းကလေးတွေများတော့ အကြိုက်ပေါ့....။ တမေ့တမော....။
နောက်နေ့ ပန်တူနာ သွားတော့ ပိုပြီးတောင် ဈေးတော်သေး....။
သွားတုန်းကတော့ SKY TRAIN နဲ့...။ အပြန်ကျတော့ ဒုက္ခရောက်တယ်...။
ကားငှားရတာလည်း စကားက မပေါက်...။ တုတ်တုတ်လေး စီးမိပါတယ်...။ လမ်းတွေက ပိတ်လို့...တမေ့တမောစောင့်လိုက်ရတယ်...။ ဒါလည်း ဒုက္ခတစ်မျိုး...။
ဒီကောင်တွေ ကားစီးနိုင်တယ်ဆိုတာ... မြန်မာပြည်က သနားတယ်...။ ဒီဈေးလောက်နဲ့များ ၀ယ်လို့ရရင် ကားတွေဆိုတာ ပုံနေမှာပဲ...။
နေရတာကတော့ Apartment မှာ..။ The Contemp Apartment...။
မိုက်တယ်...။ အဲယားကွန်းနဲ့...မိုက်ခရိုဝေ့ခ်နဲ့....။ ရေပူရေအေးနဲ့..။ ရေခဲသေတ္တာနဲ့...။ GYM နဲ့ ရေကူးကန်နဲ့..။
ထမင်းကတော့ ရှာစားရတယ်...။ စားရတာ သိပ်အဆင်မပြေပါဘူး။ ဈေးတွေကလည်း ကြီးသေး...။
ဒါတွေက အမြင်နဲ့ ခံစားရတဲ့ဟာတွေ...။
ကိုယ်နိုင်ငံလည်း သူတို့လောက်တော့ လုပ်နိုင်ပါတယ်...။
မလုပ်သေးတာပဲ ရှိတာ...။ ငှဲငှဲ...။
သယံဇာတတွေ... ဖင်ခုထိုင်ပြီး... ရောင်းထုတ်နေတာ..ကုန်တော့မယ်...။
ဘယ်တော့များမှ.... သူများတွေနဲ့ ရင်ဘောင်တန်းနိုင်ပါတော့မလဲ...။
အခုလည်း ငါးထောင်တန်တဲ့... ထုတ်ပြန်ပြီ....။
ပိုက်ဆံတွေဆိုတာလည်း ... တိရစ္ဆာန်ပုံတွေပဲ ဦးစားပေးနေကြတယ်...။
ခြင်္သေ့တဲ့..... ဆင်တဲ့.....။
ပိုက်ဆံမှာ အကောင်ပုံတွေပါတာ... မြန်မာနိုင်ငံပဲ ရှိမယ်ထင်ပ....။
အိုကေ...
နောက်မှ ဆက်ပြောကြတာပေါ့..။

မဆိုင်ဘူးလား...

ကြွက်ထောင်ချောက်

ကြွက်ဟာ အက်ကွဲနေတဲ့ အုတ်နံရံ ကြားကနေ လယ်သမား လင်မယား၊ အထုပ်တစ်ထုပ်
ဖြေနေတာကို စိတ်ဝင်တစား ကြည့်နေလေရဲ့။ အထဲမှာ ဘာမုန့်များ ပါလေမလဲ လို့
စိတ်ထဲက မျှော်တလင့်လင့်နဲ့ ကြည့်နေတယ်။ ဒါပေမယ့် သူ စိတ်ပျက်စွာ
မြင်တွေ့လိုက်ရတာက ကြွက်ထောင်ချောက် တစ်ခု။ လယ်သမားကြီးဟာ အိမ်ထဲက
တစ်နေရာမှာ သွားချထားလိုက်တယ်။ အဲဒါကို မြင်လိုက်တဲ့ ကြွက်ဟာ အားရပါးရ
အော်ပြီး လယ်ကွင်းထဲ ပြေးထွက်သွားတယ်။ အားလုံးကို သိစေချင်လို့ အသိပေးတဲ့
သဘောပေါ့။ အိမ်ထဲမှာ ကြွက်ထောင်ချောက် တစ်ခု ရှိတယ်ဗျို့၊ အိမ်ထဲမှာ
ကြွက်ထောင်ချောက် တစ်ခု ရှိတယ်ဗျို့။ မြေကြီးကို ခြေထောက်နဲ့ ယက်ပြီး
အစာရှာနေတဲ့ ကြက်ဖကြီးက ခေါင်းမော်ကြည့်ပြီး စိတ်ပျက်တဲ့ လေသံနဲ့ပြောလိုက်တယ်။
အော် ... ကိုကြွက်ရယ်၊ မင်းအတွက်တော့ သေတွင်းပဲလို့ ငါပြောလို့ရပါတယ်။
ဒါပေမယ့် ငါ့အတွက်တော့ အလကားပါ။ ဘာမှ မဟုတ်တဲ့ကိစ္စနဲ့ ငါ့ခေါင်းလာမရှုပ်နဲ့ကွာ။
ကြွက်က ၀က်ဘက်ကို လှည့်ပြီး အိမ်ထဲမှာ ကြွက်ထောင်ချောက် တစ်ခု ရှိတယ်ဗျ။
လို့ ပြောလိုက်တယ်။ ၀က်က ကရုဏာသက်တဲ့ မျက်နှာပေးနဲ့ ကြည့်ပြီး
ပြောလိုက်တာက အတော်လေးကို စိတ်မကောင်းပါဘူးဗျာ။ တကယ်တော့ ကျနော်အနေနဲ့
ခင်ဗျားကိုဆုတောင်းပေရုံက လွဲလို့ ဘာမှ မလုပ်ပေးနိုင်ပါဘူး။ သေချာတာတစ်ခုက
ခင်ဗျားအတွက် ကျနော် အမြဲ ဆုတောင်းပေးနေပါတယ်။
ကြွက်က နွားဘက် လှည့်ပြီး အိမ်ထဲမှာ ကြွက်ထောင်ချောက် ရှိတဲ့
အကြောင်း
ထပ်ပြောလိုက်တယ်။ နွားက ၀ိုး ... ၀မ်းနည်းပါတယ်ဗျာ။ ဒါပေမယ့် ကျနော့်
နှာခေါင်းကိုတော့ ညှပ်စရာ အကြောင်း မရှိဘူးလေ။ လို့ ပြန်ပြောလိုက်တယ်။
ဒီလိုနဲ့ ကြွက်ဟာ စိတ်ပျက်အားငယ်စွာနဲ့ ခေါင်းငိုက်စိုက်ပြီး အိမ်ထဲကို
ပြန်ဝင်လာခဲ့တယ်။
အော် ... လယ်သမားကြီးရဲ့ ကြွက်ထောင်ချောက်ကို ငါ တစ်ကောင်တည်း
ရင်ဆိုင်ရတော့မှာ ပါလား။
တစ်ညတော့ ဗြောင်း ဆိုတဲ့ အသံက အိမ်ထဲမှာ အတော်လေး ညံသွားတယ်။ အကောင်
တစ်ကောင်ကောင်ကို ညှပ်မိလို့ ကြွက်ထောင်ချောက်က မြည်တဲ့ အသံလိုပဲ။
လယ်သမားရဲ့ မိန်းမက ဘာအကောင်များ မိသလဲလို့ သိချင်ဇောနဲ့
ကြွက်ထောင်ချောက် ရှိတဲ့ဆီ အတင်းကို ပြေးသွားတယ်။ အမှောင်ထဲမှာ ဆိုတော့
အမြီး ညပ်လို့ ဒေါသ တချောင်းချောင်း ထွက်နေတဲ့ မြွေကို မမြင်လိုက်မိဘူး။
အဲဒီတော့ အမျိုးသမီးရဲ့ ခြေထောက်ကို မြွေပေါက်ခံလိုက်ရတော့တယ်။
ဆေးကုသဖို့အတွက် လယ်သမားကြီးဟာ သူ့မိန်းမကို ဆေးရုံ အမြန်ပို့လိုက်ရတယ်။
အိမ်ပြန်ရောက်တော့ မြွေဆိပ်ကြောင့် အမျိုးသမီးကြီး အဖျားတွေ တက်နေတယ်။

အဖျားတက်နေတဲ့ လူနာကို အားရှိသွားအောင် လတ်ဆတ်တဲ့ ကြက်စွတ်ပြုပ်
လုပ်တိုက်ရတယ် ဆိုတာ လူတိုင်း သိနှင့်ပြီးသားပါ။ ဒါနဲ့ လယ်သမားကြီးဟာ
ကြက်စွတ်ပြုပ် လုပ်ဖို့ လယ်ကွင်းထဲကို ဓါးတစ်ချောင်းနဲ့ ဆင်းသွားလေရဲ့။

ဒါပေမယ့် အမျိုးသမီးကြီးရဲ့ ကိုယ်ပူရှိန်ဟာ မကျဘဲ တက်မြဲ တက်နေလေရဲ့။
အိမ်နီးနားချင်းတွေ၊ သူငယ်ချင်းတွေက လူနာလာမေးရင်း နေကောင်းစေဖို့
နည်းလမ်းကောင်းတွေ လာပြီး ဆွေးနွေးပေးကြတယ်။ တနေကုန်ပဲ ဆိုပါတော့။
သူတို့တွေကို ကျွေးဖို့ မွေးဖို့ ၀က်သားကို ဖော်ရတော့တယ်။

နောက်ဆုံးတော့ အမျိုးသမီးကြီး ဘယ်လိုမှ မသက်သာနိုင်ဘဲ
ကွယ်လွန်သွားရှာတယ်။ နာရေးမှာ လူအတော်များများ အသုဘရှု လာကြတယ်။
လာသမျှလူတွေကို ဧည့်ခံဖို့ လယ်သမားကြီး ခမျာ လောက်ငှအောင် အမဲသားဟင်းကို
စီစဉ်ရတော့တယ်။

ကိုကြွက်ကတော့ ဖြစ်သမျှ အားလုံးကို အက်ကွဲနေတဲ့ အုတ်နံရံကြားကနေ
စိတ်သောကကြီးစွာနဲ့ပဲ ကြည့်နေမိတော့တယ်။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~

နောင်တစ်ချိန် လူတစ်ဦးတစ်ယောက်က ပြဿနာနဲ့ ရင်ဆိုင်နေရတဲ့အခါ ငါနဲ့
မဆိုင်ပါဘူးလို့ တွေးလိုက်မိရင် သတိရပါ။ ကျနော်တို့ထဲက တစ်ယောက်ယောက်ဟာ
ခြိမ်းခြောက် ခံနေရပြီ ဆိုရင် အဲဒီ အန္တရာယ်ဟာ ကျနော်တို့ အားလုံးအပေါ်
ကျရောက်လာတာပဲ။ တခြားသူတွေ အပေါ်မှာ မျက်စိဒေါက်ထောက်ပြီး ဂရုတစိုက်
ရှိသင့်သလို တစ်ယောက်ကို တစ်ယောက်လည်း အားပေးပြီး အစွမ်းကုန် ကူညီတတ်ဖို့
လိုပါတယ်။ ကျနော်တို့ အားလုံးဟာ ဘ၀လို့ ခေါ်တဲ့ ခရီးစဉ်ထဲက
တစ်ဖောင်တည်းစီး ခရီးသွားဖော်ချင်း အတူတူပါ။



ဒါကတော့ တောင်အာဖရိက ကနိုဘယ်လ်ဆုရှင် ဘုန်းတော်ကြီး ဒက်စ်မွန်တူးတူးရဲ့
စကားပါ။
ရှေ့ကပုံပြင်နဲ့မတူပေမယ့် မဆိုင်သလိုနေတဲ့သူတွေအတွက် ဥပမာပေးရာမှာတော့
နီးစပ်မှုရှိပါတယ်။

--

  ဟိုးရှေးရှေးတုန်းကပေါ့ မိဘုရားလေးယောက် ရှိပြီး သိပ်ကို ချမ်းသာကြွယ်ဝတဲ့
ဘုရင်ကြီးတစ်ပါး ရှိသတဲ့။ ဘုရင်ကြီးဟာ သူ့ရဲ့ စတုတ္ထမြောက် မိဘုရားကိုတော့
အချစ်ဆုံးဖြစ်ပြီး အကောင်းဆုံး၊ အနူးညံ့ဆုံး၊ အချိုမိန်ဆုံး ဆက်ဆံပါသတဲ့။
တတိယမြောက် မိဘုရားကိုလည်း ချစ်တာပါပဲ။ အိမ်နီးချင်း
တိုင်းပြည်တွေကိုလည်း တတိယမြောက် မိဘုရားကို ကြွားလေ့ ရှိပါတယ်။ ဒါပေမယ့်
ဒီမိဘုရားဟာ သူ့ကို တစ်နေ့နေ့ တစ်ချိန်ချိန်မှာ ထားသွားခဲ့မှာကိုတော့ သူ
စိုးရိမ်နေတတ်ပါတယ်။

ဒုတိယမြောက် မိဘုရားကို ချစ်တာကျတော့ တစ်မျိုး.. အဲဒီ မိဘုရားကို သူ့ရဲ့
တိုင်ပင်ဖော်၊ တိုင်ပင်ဖက်၊ ယုံကြည်အားကိုရာအဖြစ် ဘုရင်ကြီးက မှတ်ယူတယ်။
ပြသနာတွေ ဖြစ်လာတိုင်းမှာ ဒုတိယမြောက် မိဘုရားနဲ့တိုင်ပင်လေ့ရှိပြီး
မိဘုရားကလည်း အမြဲကူညီ ဖြေရှင်း ပေးပါတယ်။ ပထမဦးဆုံး မိဘုရားကတော့
ဘုရင်ကြီး အပေါ်မှာ တော်တော်သစ္စာ ရှိပါတယ်။ ဘုရင်ကြီးရဲ့
အုပ်ချုပ်ရေးပိုင်းတွေမှာ ပါဝင်ကိုင်တွယ်ပေးပြီး ဘုရင်ကြီးကိုလည်း
နှစ်နှစ်ကာကာကို ချစ်ခင် မြတ်နိုးပါတယ်။ ဒါပေမယ့် ဘုရင်ကြီးကတော့
သူ့ကိုတစ်ခြား မိဘုရားတွေလောက် မချစ်ပါဘူး။

တစ်ရက်မှာတော့ ဘုရင်ကြီးဟာ အသည်းအသန်ကို နာမကျန်း ဖြစ်ပါတယ်။ သူ့ဘ၀
သက်တမ်း ကုန်ဆုံးတော့မှာကို သိနေတဲ့ ဘုရင်ကြီးဟာ သူ့ရဲ့
ချမ်းသာကြွယ်ဝမှုတွေ၊ ဇိမ်ရှိရှိ နေခဲ့ရတဲ့ အကြောင်းကို
ပြန်လည်စဉ်းစားမိပြီး "ငါ့မှာ မိဘုရားလေးယောက် ရှိတယ်.. ဒါပေမယ့်
ငါသေရတော့ တစ်ယောက်ထဲပါလား" လို့တွေးမိတော့တယ်။ နောက်တော့
သူကသူ့ရဲ့စတုတ္ထမြောက်မိဘုရားကို

ခေါ်ပြီးမေးလိုက်တယ်..။

"အချစ်ရေ.. ကိုယ်မင်းကို အချစ်ဆုံးပဲ ဆိုတာ မင်းသိတယ်နော်..
မင်းကိုကောင်းပေ့၊ လှပေ့ဆိုတဲ့ အ၀တ်အစားတွေ၊ အသုံးအဆောင်တွေကို
ချီးမြှင့်ခဲ့တယ်၊ မင်းကိုလည်း ငါ အရမ်း ဂရုစိုက်ခဲ့တယ်.. မင်း ငါနဲ့
အတူတူ လိုက်သေနိုင်မလား" ။ မိဘုရားက "လုံးဝပဲ" လို့ ပြန်ပြောလိုက်တယ်။
နောက်ထပ် စကား တစ်လုံး တလေမှ မပြောပဲ လှည့်ထွက်သွားခဲ့တယ်။ သူ့ရဲ့
အဖြေစကားဟာ ဘုရင်ကြီးရဲ့ နှလုံးသားကို ဓါးနဲ့မွှန်းသလိုပဲ ခံစား ရစေပါတယ်။

ဝမ်းနည်းသွားတဲ့ ဘုရင်ကြီးဟာ ဒုတိယမြောက် မိဘုရားကို ခေါ်ပြန်တယ်။
"ငါဟာမင်းကို ငါ့ဘ၀နဲ့ ချီပြီး ချစ်ခဲ့တယ်။ ခုတော့ ငါသေရတော့မယ်.. မင်း
ငါနဲ့တူတူ လိုက်သေနိုင်မလား"။ "မသေနိုင်ပါဘူးရှင်... ဘ၀ဆိုတာ
ကောင်းတာတွေကို ခံစားဖို့ ဖြစ်လာတာ.. ရှင်သေရင် ကျွန်မ နောက်တစ်ယောက်နဲ့
လက်ထပ်မှာပေါ့" လို့ ဖြေလိုက်တယ်။ ဘုရင်ကြီးရဲ့ နှလုံးသားဟာ အေးစက်
တောင့်တင်း သွားလေရဲ့။

နောက်တော့ တတိယမြောက် မိဘုရားကိုလည်း ခေါ်လိုက်တယ်။ "ငါဟာ အမြဲတမ်းပဲ
မင်းရဲ့ အကူအညီတွေကို ယူခဲ့တယ်.. မင်းကလည်း ပြသနာတွေကို ငါနဲ့အတူတူ
ရင်ဆိုင်ခဲ့တယ်။ ငါနဲ့ တူတူ လိုက်သေနိုင်မလား အချစ်ရယ်"။
"၀မ်းနည်းပါတယ်ရှင်.. ဒီတစ်ခါတော့ ကျွန်မ ရှင့်ကို မကူညီနိုင်တော့ပါဘူး..
အဲ ဒါပေမယ့် ရှင့်ရဲ့ အသုဘကိုတော့ ကျွန်မ လိုက်ပို့ပေးပါ့မယ်.. ရှင့်ရဲ့
အုတ်ဂူဆီသို့လည်း ကျွန်မ လာပါ့မယ်"လို့ ပြန်ဖြေလိုက်တယ်။ ဘုရင်ကြီးဟာ
အတော်လေးကို စိတ်ဆင်းရဲသွားတယ်။

အဲဒီအချိန်မှာပဲ "ကျွန်မ ရှင်နဲ့ အတူတူ လိုက်သေမယ်.. ရှင်ဘယ်သွားသွား
ရှင့်နောက်က ကျွန်မလိုက်ဖို့ အသင့်ပါပဲ" ဆိုတဲ့ အသံကို ကြားလိုက်ရတယ်။
ဘုရင်ကြီးဟာ ချက်ချင်းပဲ ခေါင်းထောင် ကြည့်လိုက်တယ်။ သူ့ရဲ့ ပထမဆုံး
မိဘုရားကို သူ တွေ့လိုက်ရတယ်။ သူမဟာ အတော်လေးကို ပိန်လှီးနေပြီး
ဝေဒနာခံစားနေရပုံ ပေါက်နေတယ်။ ဘုရင်ကြီးဟာ နောက်ဆုံး အနေနဲ့ သူမကို
ပြောလိုက်တယ် "ငါ မင်းကို ပိုဂရုစိုက်ခဲ့သင့်တာ.. နောက် ဘ၀မှာ အခွင့်အရေး
ရှိမယ်ဆိုရင် ငါ ပြန်လည်ပေးဆပ်ဖို့ မျှော်လင့်ပါတယ်" လို့ ပြောလိုက်တယ်။

ပုံပြင်လေးကတော့ ဒါပါပဲဗျာ။ ဟုတ်ပါတယ်။ ကျွန်တော်တို့တွေရဲ့ ဘ၀မှာ
ဇနီးလေးယောက် ရှိပါတယ်..။ စတုတ္ထမြောက် ဇနီးကတော့ ကျွန်တော်တို့ရဲ့
ကိုယ်ခန္ဓာပါပဲ.. သူ့ကို ဘယ်လောက်ပဲ ကောင်းကောင်း ကျွေးမွေး
ပြုစုခဲ့ပါစေ.. သေသွားတဲ့ တစ်နေ့မှာတော့ ထားခဲ့ရတာပါပဲ။ တတိယမြောက်
ဇနီးကတော့ ကျွန်တော်တို့ရဲ့ ပိုင်ဆိုင်မှုတွေပါ။ ကိုယ်သေသွားတဲ့ အချိန်မှာ
တစ်ပါးသူ လက်ထဲ ရောက်သွားတာပဲလေ။ ဒုတိယမြောက် ဇနီးကတော့ ကျွန်တော်တို့ရဲ့
မိသားစုနဲ့ သူငယ်ချင်းတွေပေါ့။ အသက်ရှင်နေစဉ်မှာ အနားမှာရှိပြီး
ဘယ်လောက်ပဲ ကောင်းခဲ့ ကောင်းခဲ့၊ သူတို့တွေ ကိုယ့်အတွက် အများဆုံး
လုပ်ပေးနိုင်တာကတော့ ကိုယ်သေသွားတဲ့ အချိန်မှာ အသုဘ လိုက်ပို့မယ်..
နောက်တော့ အုတ်ဂူလေးဆီ လာကြမယ်.. ဆုတောင်းပေးကြမယ်။ အဲ. ပထမဆုံး
ဇနီးကတော့ ကျွန်တော်တို့တွေရဲ့ .. စိတ်(ကုသိုလ်စိတ်-အကုသိုလ်စိတ်)
ပဲပေါ့ဗျာ။ သူ တစ်ခုတည်းကသာ သေသွားတဲ့ အချိန်မှာ ကိုယ်သွားရာ နောက်ကို
လိုက်နိုင်တဲ့ သူတွေပေါ့။

အဲဒီတော့ ကျွန်တော်တို့တွေ လုပ်သင့်တာက ကိုယ့်ရဲ့ စိတ်ဓါတ်၊
စိတ်အင်အားကို ခုကတည်းက တောင့်တင်း ခိုင်မာအောင် လုပ်ကြဖို့ပါပဲ။
ပြောရမယ်ဆိုရင် ကိုယ်သေချိန်မှာ ဘ၀ကူးကောင်းအောင် ခုကတည်းက ပြင်ဆင်
ထားသင့်တာပေါ့။ ကျွန်တော်တို့ ကျင်လည်ရာ သံသရာမှာ သူကသာ အဓိကဖြစ်ပါတယ်။
ဒီအတွက် အဆင်သင့်နဲ့ အကောင်းဆုံး ဖြစ်နေမှာပဲပေ့ါ။

ရဲရင့်သူများဖိုရမ် မှ ဤစာသားကို ကူးယူဖော်ပြပါသည်..။ (မှတ်ချက်-
အနည်းအကျဉ်း ပြင်ဆင်ဖြည့်စွက် ထားပါသည်..။)

………….

ဒါကတော့ ကျနော့ရဲ့ အမြင်လေးပါ.. အထက်မှာ ဖော်ပြခဲ့တဲ့ အတွေးလေးဟာ တကယ်
တွေးကြည့်မယ်ဆိုရင် အရမ်းကို သံဝေဂရဖို့ ကောင်းပါတယ်။ သူ
ဖော်ပြပေးသွားတဲ့ အကြောင်းအရာလေးကလည်း လက်ရှိဖြစ်နေတဲ့ အခြေအနေနဲ့
ပြန်တိုက်ကြည့်တော့ တကယ်ကို ဟုတ်နေတာပါ။ ကျနော်တို့တွေ အချစ်ဆုံးလို့
ထင်ထားတဲ့ ခန္ဓာကိုယ်ကြီးဟာ တကယ်တော့ သေရင် ကိုယ်နဲ့ ပါမလာပါဘူး..
မီးရှို့ပြီး ပြာ ဖြစ်သွားရတာပါ။ ဒီလိုပါပဲ.. ဥစ္စာ ပစ္စည်းဆိုတာလည်း
အသက်ရှင်နေတုန်းမှာသာ ဒါငါ့ဟာ.. ဒါင့ါပစ္စည်း.. ဒါငါ့ပိုက်ဆံနဲ့
ပြောနေကြရတာပါ။ သေသွားရင်တော့ ကိုယ်နဲ့ ပါသွားတာဆိုလို့ ဘာဆိုဘာမှ
မရှိပါဘူး။ ကိုယ်မရှိတဲ့ အချိန်ှမှာ တခြားသူတွေ ဝေမျှ သုံးစွဲ
သွားကြရတာပဲ မဟုတ်ပါလား။ နောက်တစ်ခုကတော့.. အရင်းနှီးဆုံးလို့
ပြောလို့ရတဲ့ မိတ်ဆွေ သူငယ်ချင်း မိသားစုတွေပါပဲ.. သူတို့လည်း
သေခါနီးအချိန်မှာ ကိုယ့်အတွက် ဘာမှ မတတ်နိုင်ပါဘူး။ ဘေးနားကနေ
အသာလေးကြည့်ပြီး.. သူတော့ သွားရှာပြီ.. သနားလိုက်တာ.. မခွဲနိုင်ပါဘူး..
ဒီလောက်ပဲ ပြောနိုင်ကြပါတယ်။ အတူတူ လိုက်မလားဆိုတော့ နိုး လို့ပဲ
ပြောကြမှာပါ။

တကယ်တော့.. ကျနော်တို့တွေနဲ့ အတူတူ လိုက်လာတာဟာ ကျနော်တို့တွေ လုပ်ခဲ့တဲ့
ကုသိုလ်တွေ အကုသိုလ်တွေပါပဲ။ ရေဗူးနဲ့ ဖိနပ်မပါရင် နွေအခါမှသိ.. ဒါနနဲ့
သီလမပါရင် သေခါမှသိ… တဲ့။ ဒါန၊ သီလ၊ ဘာဝနာဆိုတဲ့ ကုသိုလ်တရားတွေ
လုပ်ဖို့မေ့နေတာဟာ စိတ်ကို ပြစ်ထားတာပါ။ စိတ်ကို ပြစ်ထားတယ် ဆိုရင်တော့
သေခါနီးကျမှ သိပါလိမ့်မယ်။ သေခါနီးမှာ ကိုယ်နဲ့ နှဖူးတွေ
ဒူးတွေရင်ဆိုင်ရမှာက သေမင်းပါ.. ဒါ့ကြောင့် ကျနော်တို့တွေဟာ သေဖို့အတွက်
ဘာတွေ ပြင်ဆင်ပြီးပြီလဲ?.. နောက် နေ့စဉ်နဲ့အမျှ စိတ်ကိုပြစ်မထားပဲနဲ့..
ဒါန၊ သီလ၊ ဘာဝနာဆိုတဲ့ ကုသိုလ်တရားတွေ ဘယ်လောက် စုဆောင်းမိပြီိလဲ?..
ဒီအချက်တွေကို အမြဲတမ်းမေးပြီး စိတ်ကို ပြုပြင်ထိန်းသိမ်း စောင့်ရှောက်
နေရပါမယ်။ ဒါမှလည်း.. ပုံပြင်ထဲက ဘုရင်ကြီးလို သေခါနီးကျမှ အားကိုးစရာ
လိုက်ရှာရတဲ့ အဖြစ်က လွတ်မှာပါ။ သေခါနီးအချိန် ကိုယ့်မှာ အားကိုးစရာ
မရှိရင် စွဲမိစွဲရာစွဲပြီး ရောက်ချင်တဲ့ ဘ၀ကို ရောက်သွား နိုင်ပါတယ်။
ကုသိုလ်တရား မေ့ပြီး စိတ်ကို ပြစ်ထားတယ် ဆိုရင်တော့.. အများဆုံး
ရောက်မှာကတော့ အပါယ်လေးဘုံပေါ့။ ဒါ့ကြောင့် ကျနော်တို့တွေဟာ သေခါနီးမှာ
ဘယ်သူ့ကိုမှ အားကိုးစရာမလိုအောင် ကုသိုလ်တရားတွေ များသထက်
များအောင်ပြုပြင်ပြီး စိတ်ကို ပြုပြင်ထိန်းသိမ်းသွားဖို့ လိုအပ်ပါတယ်။
သေခါနီးအချိန်မှာ ပုံပြင်ထဲကဘုရင်ကြီးလို နောက်တမရမိအောင်.. ဘုရားရှင်
ဟောပြဆုံးမတဲ့ မကောင်းမှုရှောင် ကောင်းမှုဆောင် ဖြူအောင် စိတ်ကိုထား ဆိုတဲ့
စကားလေးကို လက်ကိုင်ထားပြီး စိတ်ကိုပြစ်မထားပဲနဲ့.. အမြင့်ဆုံး
ကုသိုလ်ဖြစ်တဲ့ ၀ိပဿနာ ကုသိုလ်စိတ်နဲ့ သေနိုင်အောင် ကြိုးစား ကြပါလို့
ဆန္ဒပြု ရေးသားလိုက်ရပါတယ်။ ကျနော်လည်း ကြိုးစား နေတုန်းပေါ့...။။။

သူငယ်ချင်းထက်ပိုရင်...

ဘာရယ်မဟုတ်ပါဘူး....။
ဂျီတော့မှာ တရက်တော့ တစ်ယောက်ရဲ့ status မှာ ဒီလိုလေးတွေ့လိုက်တယ်။
´´သူငယ်ချင်းထက် မပိုနဲ့´´
ဒါနဲ့ပဲ စချင်တဲ့ စိတ်ကလေးက ၀င်လာတော့.... လှမ်းကလိလိုက်တယ်....
သူငယ်ချင်းထက် ပိုရင် ဘာဖြစ်မှာလဲ...လို့
ဒီတော့ သူငယ်ချင်းထက်ပိုရင် ရည်းစားဖြစ်မှာစိုးလို့....
အဲဒီမှာ သွားစဉ်းစားမိတယ်.....။
သူငယ်ချင်းထက် ပိုတိုင်း ရည်းစားဖြစ်ရရောလား.....
သူငယ်ချင်းနဲ့ ရည်စားကြား အဆင့်တွေ ဘယ်လောက်ရှိဦးမလဲ....
အိုကေ...
သူငယ်ချင်းထက် ပိုရင်...မိတ်ဆွေမဖြစ်နိုင်ဘူးလား....
သူငယ်ချင်းဆိုတာ ငယ်ငယ်က ခင်တာ.... ကျောင်းမှာခင်တာ.... ဒါမျိုးကို သူငယ်ချင်းလို့ခေါ်တာ...
ဟုတ်တယ်ဟုတ်...
သူငယ်ချင်းထက်ပိုရင် ... မိတ်ဆွေတွေ ဖြစ်သွားနိုင်တာပဲ....
သူငယ်ချင်းအဆင့်ဆိုတာ တကယ့်ကို ရိုးရိုးသားသား ပျော်ပျော်ရွှင်ရွှင်လေးပဲ....
မိတ်ဆွေကတော့ ဆိုးတိုင်ပင်...ကောင်းတိုင်ပင်ကိုး...
အိုကေ....
ရည်စားဖြစ်ဖို့ကော ... သူငယ်ချင်းအဆင့်က လိုလား.....
ကောင်မလေးတစ်ယောက်ကို ကြိုက်တာနဲ့...တန်းပြီးတော့ ရည်းစားဖြစ်ဖို့ ကြိုးစားကြတာပဲ...
ရည်းစားဖြစ်ဖို့ ကြိုးစားရင်း သူငယ်ချင်းအဆင့်ကို ၀င်ရင်း...သူငယ်ချင်းအဆင့်မှာ တစ်နေတာတွေလည်း အများကြီးပဲလေ...
ဒီတော့....
သူငယ်ချင်းထက်ပိုရင်...ရည်းစားဖြစ်တယ်ဆိုတဲ့ သီအိုရီဟာ သိပ် မဖြစ်နိုင်ပါဘူး....

မြန်မာလိဂ်

မိုးတွေကလည်း ဖွဲလိုက်...သဲလိုက်......
ညနေခင်းတွေဆို...အပျင်းဖြေစရာ...ဒီထက်...ပေါက်ကွဲဖို့ရာ နေရာလေးတစ်ခု တွေ့ထားတယ်...
အဲဒါကတော့ မြန်မာလိဂ်ပွဲတွေပဲ.....
ဒီအောင်ဆန်းကွင်းဆိုတာ...မြန်မာလိဂ်စမှ ရောက်ဖူးတာဗျ.....
ကိုယ်က ဧရာဝတီတိုင်းသားဆိုတော့...ဒယ်တာအသင်းပေါ့ဗျာ...
ကိုယ့်အသင်းကလည်း အာဂျင်တီးနားသုံးယောက်တောင် ပါတယ်ဆိုတော့... အားရှိတာပေါ့ဗျာ...
ခုတော့...ခက်ရော...ကိုယ်မှာ အကျီတွေဝယ်ရ...ခေါင်းစည်းတွေ ၀ယ်ရနဲ့.....ခုတော့ နိုင်ပွဲကို မရှိသေးဘူး....
အဲဒီရှစ်သင်းထဲမှာ အတောင့်ဆုံးကတော့ ရတနာပုံပဲ.....ရတနာပုံဆိုတာ မန္တလေးတိုင်း ကိုယ်စားပြု...
ပိုင်ရှင်က အယ်ဖိုင်းလေ...သိတယ်ဟုတ်...လေးဖြူတောင်ဆပွန်ဆာပေးထားတာ.......
ဆပွန်ဆာပေးချက်က လန်ထွက်နေတာပဲ.....
ကမ္ဘောဇနဲ့ ကန်တဲ့ပွဲမှာ... အက်စပရက်ကား သုံးစီး.....နဲ့ လူအပြည့်အပြင် အကျီနဲ့ လက်မှတ်ကိုပါပေးသေးတယ်....
အဲဒီပွဲသွားကြည့်ဖြစ်တယ်.....အားပါး...များလိုက်တဲ့လူ....ထိုင်လို့ကို မရဘူး...အကုန်မတ်တပ်ရပ်ပဲ....
အားပေးချက်ကလည်း ကြောက်ခမန်းလိလိ.... ကျော်သိန်းတောင်ထတယ်...အဲ..ကြက်သီးတောင်ထတယ်...
ဒိုင်ကို ဆဲချက်ကလည်း လန်ထွက်နေတယ်....
ဒိုင်လူကြီး ...ရီးပဲဆိုတာ...မိန်းမတွေကပါ ပျော်ပျော်ကြီးဝိုင်းအော်ကြတယ်....
ဒိုင်တွေကလည်း တကယ့်ငပွကြီးတွေပဲ.... ပွဲတိုင်းကို အသုံးမကျတာ....
ဒီတော့လည်း .... ပွဲတိုင်း သူတို့ကိုပဲ မေတ္တာပို့ကြတယ်...
အဲ... ရန်ကုန်နဲ့ ကန်တဲ့ပွဲမှာ... ကားက ငါးစီး...ရထားက နှစ်တွဲတဲ့ခင်ဗျာ...
မန္တလေးက ပရိတ်သတ်တွေကို ဖရီးခေါ်လာပေးတာ.... နဲနဲနောနောလား
ရန်ကုန်အသင်းဆိုတာလည်း မြို့ခံလိုဖြစ်နေတာ...လူများချက်က လမ်းတောင်ပိတ်တယ်ဆိုပဲ...
ဘော်ဒါတစ်ယောက်သွားကြည့်တာ...ပရောဂျက်တာနဲ့ကို ကြည့်ရတာဆိုပဲ....
လူတွေက ကြပ်ပိတ်သိပ်....
လာဦးမယ်ဆရာ....မနက်ဖြန်...အင်္ဂါနေ့....ဒယ်တာပွဲ.....
အောက်ဆုံးနှစ်သင်းပြိုင်ရမယ်...ဇေယျာရွှေမြေနဲ့....
ကြည့်ရဦးမှာပဲ....အားပေးရဦးမှာပဲ.....
ပိုသိချင်ရင်တော့ http://www.soccermyanmar.com/ မှာ ၀င်ဖတ်ကြည့်ကြဗျို့...
ကိုယ့်ဘော်ဒါလုပ်ထားတဲ့ ဆိုဒ်လေး.....နော့
(အင်ကြာပျက်လေးမသိအောင်...ခိုးရေးနေရတာ...သိရင်များ ကွန်နက်ရှင်လှမ်းဖြုတ်မလားပဲ...ငှဲငှဲ)

ဘောကျိ

တလောကပေါ့ လူက စိတ်ဓါတ်တွေကကျ ဘာမှ လုပ်ချင်ကိုင်ချင်စိတ်မရှိ ဖြစ်နေတာ။
လုပ်ငန်းကလဲရပ် အလုပ်လက်မဲ့ပုံစံနဲ့ မနက်လင်းရင် ဘာလုပ်ရမလဲ စဉ်းစားနေရတာ
ပျင်းလာတယ်။ ကိုယ့်ဘာသာကိုယ်လဲ တော်တော် သောက်သုံးမကျတဲ့ ကောင်ဆိုပြီး
စိတ်ညစ်လာပြန်ရော။ သေရင် အေးမယ် ဆိုပြီး တွေးမိတာလဲ အကြိမ်ကြိမ်။ ခံနိုင်ရည်က
မဲ့လာတယ်။ ငါဘာအတွက် အသက်ရှင်နေတာလဲ စဉ်းစားလို့ကို မရဘူး ဖြစ်နေပြန်တယ်။
ခက်တယ်ဗျာ ခက်တယ်။ သို့ပေမယ့် သို့ပေမယ့်ပေါ့လေ . . . . .

တနေ့က အဖေနဲ့ အပျင်းပြေ လိုက်သွားလိုက်တယ်။ သူကလဲ ပွဲစားတန်းဘက် သွားရအောင်တဲ့
သွားလေဆိုပြီး ပေါ့ပေါ့ပါးပါးပဲ လိုက်သွားတယ် ဟိုရောက်တော့ အဖေက
သူ့သူငယ်ချင်းတွေနဲ့ စကားပြောနေတယ် ကားကိစ္စ ဘာညာပေါ့။ ကျွန်တော်လဲ ပျင်းတာနဲ့
အပင်အရိပ်အောက်မှာ ထိုင်နေလိုက်တယ်။ ထိုင်နေတုန်းရှိသေးတယ် ဘေးနားကနေ
ကလေးတစ်ယောက်က လာခေါ်တယ် ရုတ်တရက် နားမလည်ဘူး သူခေါ်လိုက်တဲ့ အသံကို ဘာတဲ့
"ဘောကျိ" တဲ့ ကျွန်တော်လဲ ပြန်မေးလိုက်တယ် ဘာလဲဆိုတော့ ဘေးက အဖေ့သူငယ်ချင်းက
ရှင်းပြတယ် "ဘောစိ (Boss)" လို့ခေါ်တာတဲ့။ သြော်ဒါနဲ့ ပြုံးမိတယ်။
ဘာတုန်းဆိုတော့ "အနော်ကားဆေးပေးမယ်နော်တဲ့" လူက လေးနှစ်သာသာလောက်ရှိဦးမယ်။
ကျွန်တော် ဘာမှ မပြောပဲ ကြည့်နေလိုက်တယ်။ အဖေ့သူငယ်ချင်း မေးတယ်
"မင်းကားဆေးမှာက ဟုတ်ပါပြီ ပြီးရင် မုန့်ဖိုးတောင်းမှာလားတဲ့" ဟိုကလေးက "ဟီး
ဟီး အနော်က ခင်လို့ ဆေးပေးမှာပါတဲ့" ဒါနဲ့ ဟိုက ဆက်ပြောတယ်
"မင်းထမင်းစားပြီးပြီလားဆိုတော့

" ကိုယ့်ဆရာက ဗိုက်ကလေးပွတ်ပြီး မစားရသေးဘူးတဲ့
ကျွန်တော် နာရီကြည့်လိုက်တော့ ညနေ ၃ နာရီလောက် ရှိတော့မယ် ဒီအချိန်ထိ ဒီကလေး
ထမင်းမစားရသေးဘူးဆိုတော့ ရင်ထဲ ချိသွားတယ်။ ကျွန်တော် လက်ဘက်ရည်ဆိုင်က
စားပွဲထိုးလေးကို လှမ်းခေါ်ပြီး မုန့်တစ်ပွဲမှာလိုက်တယ်။ လာပို့သွားတယ်
ဟိုကလေးကတော့ ကားဘီးတွေကို ရေဆေးနေတယ်။ ကျွန်တော် ကြည့်နေရင်းက
သူ့ကိုလှမ်းခေါ်လိုက်တယ်။
"ဘောကျိ ဘာခိုင်းမလို့လဲ"
"မခိုင်းပါဘူးကွာ မင်းကို မုန့်စားခိုင်းမလို့"
"ဒါတွေ စားရမှာလား"
"အေး စားလိုက် မင်းဖို့ မှာထားတာ" ချာတိတ်က ချက်ခြင်းမစားသေးဘူး အဖေ့
သူငယ်ချင်းကို လှမ်းကြည့်တယ်။ ဟိုက စားလေကွာဆိုတော့ စားတယ်။ စားလိုက်တာ အကုန်ပဲ
ဆာနေမှာပေါ့လေ။ စားပြီးတော့
"အား . . . ဗိုက်ဝသွားတာပဲ" ကျွန်တော်ပြုံးမိတယ်။ ပြီးတော့ ကားဘီးတွေ
သွားဆေးနေတယ်။ ကားလေးဘီးလုံးကို သူ့အရွယ် ငယ်ငယ်လေးနဲ့ လိုက်ဆေးနေတယ်။
ကျွန်တော် မနေနိုင်တော့ဘူး ထားလိုက်တော့ ပြီးပြီ တော်တော် သန့်သွားပြီဆိုပြီး
ပြောလိုက်တော့ ရတယ် ဘောကျိ ရတယ်ဆိုပြီး လုပ်နေတယ်။ ခနနေတော့ ကျွန်တော်
ချက်ခြင်း ရပ်ခိုင်းလိုက်တယ် ပြီးတော့ မုန့်ဖိုး ၁၀၀၀ ထပ်ပေးလိုက်တယ်။
အဖေ့သူငယ်ချင်းက ကျွန်တော့်ကို ကြည့်ပြီး ပြုံးတယ်။ ပြီးတော့ ကျွန်တော်က သူ့ကို
မေးလိုက်တယ်။ ဒီကလေး ဘယ်ကလဲဆိုတော့။
"ဒီလိုပဲကွ ဒီမှာလာပြီး ရေသန့်ပုလင်းတွေ ကောက်တဲ့ မိသားစုထဲက"
"အင်း . . . "
"အဲဒီ့ ကလေးက တနေ့ကို ပိုက်ဆံ ၅၀၀ ရအောင် ရှာရတယ် မရရင် မပြန်ရဘူးကွ"
"ဗျာ . . ."
"ဟုတ်တယ် ဒီကောင် တခါ ညနေ ၇ နာရီကျော်နေလို့ မပြန်သေးလို့ မေးကြည့်တာ ၄၀၀
ပဲရသေးလို့ ဆက်နေရတယ်တဲ့ အဲဒါ လိုတဲ့ ပိုက်ဆံကို ချက်ခြင်းပေးပြီး သူ့မိသားစုပါ
ခေါ်ပြောလိုက်ရသေးတယ်"
"ဟာ ဗျာ . . . "
"မဟာနဲ့ဦးဟေ့ တခါတလေ ဒီကောင်က လက်ဘက်ရည်ဆိုင်မှာ ခုံလေးတွေ ဆက်ပြီး အိပ်တာ"
"ဟူး . . . မောတယ်ဗျာ ကြားရတာ"
"သူ့အသက်က ၄ နှစ်သာသာပဲ ရှိဦးမယ် ဒီအရွယ်လေးနဲ့ လောကဓံကို ခံနေရပြီ"
"အဲဒီ့ ကလေးတွေကို စောင့်ရှောက်ဖို့လိုတယ် ဦးလေး ကျွန်တော် ဒါမျိုးတွေတွေ့ရင်
မခံစားနိုင်ဘူး"
"အေးပေါ့ကွာ ငါတို့လဲ အဲဒါကြောင့် ထမင်းစားလဲ ခေါ်ကျွေး ပိုက်ဆံဆိုလဲ ပေးပေါ့
ဒီလိုပဲ နေနေရတာပဲ သိပ်လဲ မပေးရဲဘူး အကျင့်တွေ ပျက်ကုန်မှာစိုးတယ်
အလကားမပေးတာကို ပြောတာ ခိုင်းချင်လို့ ခိုင်းနေတာ မဟုတ်ဘူး
ငွေတန်ဖိုးနားလည်အောင် အလုပ်ကလေးသိအောင် ခိုင်းတာ ဘယ်ခိုင်းရက်ပါ့မလဲကွာ
ဒီအရွယ်လေး ဒါကြောင့် သူနဲ့ တန်တဲ့ ရေသန့်ဗူးလေး ဝယ်ခိုင်းတာ ဘာညာပဲ ခိုင်းတယ်။
ပိုက်ဆံ ဒီအတိုင်းပေးရင် သူတောင်းစား ဖြစ်သွားမှာစိုးလို့ ငွေကို
တောင်းတိုင်းရရင် သူတောင်းစားဖြစ်သွားမှာစိုးတယ် ငါ့တူရ အဲဒါကြောင့်"
"ဟုတ်ပါတယ် ကျွန်တော် ဒါကို လက်ခံတယ်။ ဒါပေမယ့်ဗျာ သူ့ဘဝကို ကြည့်ရတာ
အဆင်မပြေဘူး စိတ်ထဲ မကောင်းလိုက်တာ"
"ဒါကတော့ ငါ့တူရယ် ဒီလိုပဲ သူ့လို ကလေးမျိုး တို့နိုင်ငံမှာ အများကြီးပဲ
မင်းသိတဲ့အတိုင်းပဲ"
"အင်း . . ."
ကျွန်တော် ဘာမှ ဆက်မပြောဖြစ်တော့ဘူး။ ခနနေတော့ ညနေစောင်းသွားပြီး ဟိုကလေးကတော့
ကျွန်တော့်နားမှာ ဆော့နေတယ် ပြန်တော့မယ်ဆိုပြီး နှုတ်ဆက်တော့ "ဘောကျိ နက်ဖန်
လာဦးမှာလားတဲ့" အေးကွာလို့ တိုတိုတုတ်တုတ်ဖြေပြီး သူ့ခေါင်းလေးကို ပွတ်ပြီး
နှုတ်ဆက်လိုက်တယ်။ လူက စွပ်ကျယ်အကြီးကြီးဝတ်ထားတယ် နှပ်ချီးကတွဲလောင်းနဲ့ ဒါနဲ့
ကားထဲက တစ်ရှူးထုတ်ပြီး နှပ်သုတ်ပေးလိုက်တယ်။ ပြီးတော့ ကားပေါ်မှာပါတဲ့
အရုပ်ကလေးတစ်ရုပ်ပေးဖြစ်လိုက်တယ်။ အဖေကတော့ ဘာမှ မပြောဘူး ကျွန်တော့်ကိုပဲ
ကြည့်နေတယ်။ သားအဖနှစ်ယောက်လမ်းပေါ်မှာ စကားမပြောဖြစ်ဘူး။ အိမ်ပြန်ရောက်ပြီး
သူငယ်ချင်းတွေက ဖုန်းဆက်ခေါ်တော့ လာခဲ့လေဆိုပြီး ပြောလိုက်တယ်။ သူငယ်ချင်းတွေ
ရောက်လာတော့ ဟိုပြောဒီပြောနဲ့ ဘီယာဆိုင်ရောက်သွားတယ်။ စမ်းချောင်းက ယူနန်ပေါ့
ထုံးစံအတိုင်းပေါ့။ စိတ်ကညစ်နေတော့ သောက်ပြီးရင်သောက်လေ့ရှိတာကိုး။ ကားပါကင်
အထဲမှာ မရတော့အပြင်မှာ ရပ်လိုက်တယ်။ ကားပေါ်က ဆင်းတော့ "ဘောကျိ" ဆိုပြီး
ခေါ်သံကြားလို့ ကြည့်လိုက်တာ လားလားလား ညနေက ဆရာသမားဖြစ်နေတယ်။ "ဟေ့ကောင်
မပြန်သေးဘူးလား ဆိုတော့" ပြန်မှာတဲ့ သူ့အမေကို စောင့်နေတာတဲ့။ ခပ်လှမ်းလှမ်းမှာ
ရေသန့်ဗူးတွေ ကောက်နေတဲ့ မိန်းမတစ်ယောက်ကို တွေ့လိုက်တယ်။
ကျွန်တော့်သူငယ်ချင်းတွေလဲ ကျွန်တော့်ကို ငေးနေတယ်။ ပြီးတော့
ချာတိတ်ထွက်သွားတယ်။ ကျွန်တော်တို့ ဆိုင်ထဲကို ဝင်လာတယ်။
ဆိုင်ထဲမှာထိုင်နေရင်းနဲ့ ဘီယာမှာတယ် သောက်မယ်ပေါ့။ သူငယ်ချင်းက မေးတယ်။
ကျွန်တော် ပြောပြလိုက်တယ် ညနေက အဖြစ်အပျက်ကို အကုန်လုံး တိတ်သွားတယ်
ဆက်မပြောတော့ဘူး။ ဘီယာ လာချပေးတယ်။ ကျွန်တော် သူငယ်ချင်းတွေကို ပြောလိုက်တယ်။
"ငါတို့သောက်တာ တိုက်ဂါး တစ်လုံး ၁၃၀၀ ပေးရတယ် တနေ့ကို တစ်ယောက် ၅
လုံးလောက်သောက်တယ်။ စဉ်းစားကြည့်ရင် ဟိုကလေးအနေနဲ့ဆို ဘယ်နှစ်ရက်သုံးလို့ရမလဲ"
အဲဒီ့လိုလဲ ပြောလိုက်ရော ဘယ်ကောင်မှ မလှုပ်တော့ဘူး ကျွန်တော်ကိုယ်တိုင်လဲ
မြိုမကျတော့ဘူး အဲဒီ့နေ့က ဘီယာ တစ်ခွက်စီလောက်ပဲသောက်တယ် တိုင်ပင်စရာ မလိုဘူး
ပြန်မယ်ဆိုပြီး ထပြန်တယ်။ စိတ်ထဲမှာလဲ တနေ့ကို ငါးရာ ရှာရတယ်ဆိုတဲ့
ဟိုချာတိတ်ကိုပဲ မြင်နေမိတယ်။

ကျွန်တော်တို့ တနေ့ကို ငွေဘယ်လောက် ဖြုန်းတီးမိပြီလဲ ကျွန်တော်တို့
ဖြုန်းတဲ့ငွေတွေနဲ့ ကျွန်တော်တို့ လူတွေ ဘယ်လောက်ကယ်နိုင်မလဲ ခင်ဗျားတို့
စဉ်းစားကြည့် အသက်က ၄ နှစ်ကျော်ကျော် တနေ့ ငါးရာ တဲ့ စဉ်းစားစမ်းဗျာ။ ကျွန်တော်
ကိုယ့်ဘာသာစိတ်ဓါတ်ကျတာလဲ ပျောက်သွားတယ်။ အဲဒီ့ကလေးရဲ့ အားမာန်တွေ
ကျွန်တော့်ကိုယ်ထဲ စီးဝင်လာတယ်။ သူနေတတ်တယ် နေပျော်အောင်နေတယ်။
အရွယ်နဲ့သောကမမျှဘူး ဒါပေမယ့် လောကဓံကို ခံနိုင်တယ်။ ကျွန်တော်တို့ ဘာလို့
မခံနိုင်ရမှာလဲ နောက်တစ်ခု ကျွန်တော် ငွေကို ပိုရှာဖို့ လိုလာတယ်။ ဟုတ်တယ်
ပိုက်ဆံရှိရင် ခုနကလို ကလေးတွေကို အများကြီး ပြုစုစောင့်ရှောက်လို့ရမယ်။ ကဲ
စဉ်းစား။ ခင်ဗျား တစ်နေ့ ဘယ်လောက်သုံးနေသလဲ ဘယ်လောက်ဖြုန်းနေလဲ ခင်ဗျား
စိတ်ဓါတ်ကျစရာက ဘယ်လောက်ကြီးသလဲ စဉ်းစား။ ကျွန်တော်တော့ စဉ်းစားလို့ပြီးပြီ
ကျန်တဲ့သူတွေ ဆက်စဉ်းစားစေချင်တယ်။ ဒါပါပဲဗျာ အခုလို ပြန်ပြောရတာတောင်
မောလှပြီ။ နားထဲမှာ တစ်ခုခု လုပ်တော့မယ်ဆိုတိုင်း "ဘောကျိ" ဆိုတဲ့ သူ့အသံပဲ
ကြားကြားနေတယ်။
---------------------------------------
.....................................................................
အီးမေးလ်က ရတာလေး ပြန်ရှဲတာပါ.....

တစ်နှစ်သားလေးအတွက် အချစ်များပေးကြပါဦး....

ကဲ.....
ဘာလိုလိုနဲ့ နာဂစ်တောင် တစ်နှစ်ပြည့်ခဲ့ပြီပဲ....
ကိုယ့်အမြင်လေး ပြောကြည့်မယ်....
ဒီတစ်နှစ်လုံးလုံး ... အဖွဲ့အစည်းပေါင်းစုံက ပိုက်ဆံပေါင်းများစွာနဲ့ ကူညီလာလိုက်ကြတာ...
အခုကော ဘယ်လောက်တောင် အောင်မြင်နေပီလဲ.....
ရာခိုင်အနေနဲ့ဆို သုံးပုံတစ်ပုံပဲ အောင်မြင်နေပါသေးသတဲ့.....
တဲစုတ်တွေမှာ တာလပတ်မိုးလေးတွေနဲ့ပဲ ရှိနေတုန်းပဲ.....
ဆိုတော့ ဒါက မေးစရာ တစ်ခုဖြစ်လာတယ်....
ဘာကြောင့်လဲ....
အဓိကကတော့ NGO တွေကြောင့်ပဲ..လို့ ထင်တယ်...
သူတို့တွေက နေရာလုကြတာ......
NGO အချင်းချင်းမတိုင်ပင်ပဲ ကိုယ့်ပရောဂျက်ရရေးသာ လုပ်နေကြလို့ပဲ....
ဒီမှာ ဘာအဖက်တင်လဲဆိုတော့ ....
အဲဒီက လူထုစိတ်ထဲမှာ .... အဖွဲ့အစည်းတွေလာရင် တစ်ခုခုရမှာပဲ ဆိုတဲ့စိတ်က ၀င်သွားတယ်....
ဒီတော့ လာတိုင်းတောင်းဖို့ပဲ စဉ်းစားကြပြီး...ရှိထားတာတွေကိုတောင် ဖွက်ထားကြတယ်....
ဒီစိတ်ကိုလည်း ပြုပြင်ဖို့ လိုနေပြီ....
....................
ကျွန်တော်ပြောတာကို လွတ်လပ်စွာ သဘောထားကွဲလွဲခွင့်ရှိတယ်....
ဒါက ကျွန်တော့် အမြင်ကို ပြောတာပဲ....ကျွန်တော့်ခံစားချက်ကို ပြောတာပဲ....
......
ဘာပဲပြောပြော....တစ်နှစ်သားလေးအတွက် အချစ်များ ပေးကြပါဦးလို......

မြန်မာပြည်မှာ နေလို့ကောင်းတယ်....

မြန်မာပြည်မှာ နေရတာ ကောင်းတယ်။ မန်ကျည်းယို၊ ဇီးယို၊ မက်မန်းပေါင်း၊
ဂွေးသီးချဉ်စပ်၊ ရှောက်ပေါင်း ဘာစားမလဲ စားချင်တာစား။
လက်တွန်းလှည်းထဲထည့် အဖုံးမပါ ဘာမပါနဲ့ လေဓာတ် ရေဓာတ် နေဓာတ်ကို သဘာဝကျကျ
ရယူထားတဲ့ မြန်မာကြိုက် သွားရည်စာလေးတွေ။ ဘာ မဆလာတွေသုံး၊ ဘာ
အရောင်တင်မှုန့်တွေသုံး၊ ဘာ ငံပြာရည်တွေ သုံးထားလည်းတော့ မသိဘူး။
ချဉ်ငန်စပ် ရောင်းနေတဲ့လူရဲ့ ချွေးစက်တွေတောင် ပါချင်ပါဦးမှာ။ ဘယ်လောက်
သဘာဝနဲ့ နီးစပ်သလဲ။ နိုင်ငံခြားမှာ ရလို့လား။ တွေဝေမနေနဲ့ တရုတ်တန်းသွား
တုတ်ထိုးလေး စားကြည့်လိုက်ဦး။ ဝက်တစ်ကောင်လုံး အမွှေးတောင် စားမရလို့
ချန်ထားရတာ။ ဘာနဲ့ သေလို့ သေမှန်းမသိတဲ့ ဝက်တွေလည်း ပါချင်ပါဦးမှာပဲ။
အရသာ ရှိလေစွ။ မနေ့က တနေ့က ရောင်းမကုန်တဲ့ အသားတွေလည်း ရောထည့် မူးမူးနဲ့
တွယ်သာ တွယ်လိုက်။ ဘာမှတောင် သိလိုက်မှာ မဟုတ်ဘူး။

တုတ်ထိုးစားပြီး အဆီတစ်နေရင် လမ်းဘေးက ဖျော်ရည်လေး ဝယ်သောက်လိုက်ဦး။
ဟိုကိုင်ဒီကိုင် ကိုင်ထားတဲ့ လက်လေးနဲ့ အားပါးတရ ညှစ်ဖျော်ထားတဲ့
သံပုရာသီး ဖျော်ရည်လေးကို ဘာရေနဲ့ လုပ်ထားမှန်း မသိတဲ့ ရေခဲနဲ့ ခပ်ဆဆမွှေ၊
အခါတစ်သောင်းလောက် ဆေးထားပြီးသား ခွက်ဆေးရည်နဲ့ ဆေးထားတဲ့
ဖန်ခွက်မှာထည့်။ မော့ပေရော့ လတ်လတ်ဆတ်ဆတ်။ တော်ပြီလား ကြံရည်လေးလည်း
သောက်သွားဦး။ ယင်ကောင်က တလောင်းလောင်းနဲ့ အဖတ်စစ်တဲ့ အဝတ်က ဘယ်နှစ်ရက်
မလျှော်ဘဲထားတဲ့ လက်နှီးစုတ်မှန်း မသိဘူး။ ကြံတွေ ဘယ်က ယူလာသလဲ ဆိုတာလည်း
ကြည့်လိုက်ဦး ခြေနင်းပတ်မှာ ပိုးလိုးပက်လက်။ မြေဓာတ်ကို အပြည့်အဝ
ယူထားတာ။ ရလား စင်္ကာပူမှာ။ ကြာပါတယ် အဆင်ပြေတုန်း လက်သုပ်စုံလေးပါ
ဆွဲလိုက်။ ကားတွေက ဘေးနားမှာ တဝီဝီ၊ လက်တဝါးစာ ထိုင်ခုံပေါ်က
ကျွံထွက်နေတဲ့ဖင် ကားနဲ့ မချိတ်မိရင် ကံကောင်း။ အမယ် ငရုတ်ဆီတွေများ
ဘယ်သူက တားထားထား စားနေကြတာက တရွှဲရွှဲနဲ့ နီရဲနေတာပဲ။ နယ်ဖတ်နေတဲ့ လက်ကြီး
ကြည့်ပြန်တော့ ဂျုံနယ်သမား လိုပဲ။ တခါနယ်ပြီးတိုင်း ပလုံဆို ဘေးနားက
ရေပုံးခပ်စုတ်စုတ်ထဲ လက်ကို ဆင်းစိမ်လိုက်သေးတယ်။ ပြီးရင် ဂျီးဗလပွနဲ့
လက်နှီးစုတ်ကို သုတ်တယ်။ ကံကောင်းရင် အန်တီ နှံ့နှံ့လေး နယ်ပေးနော်။ ဒါမှ
စားကောင်းတာဆိုတဲ့ သောက်ပျင်းထူထူ မိန်းမတွေကို စားရင်းသောက်ရင်း
ငေးလို့ရသေးတယ်။

ဒါပေမယ့်လည်း အဲလိုနေရာတွေ သိပ်ကြာကြာမနေနဲ့။ လူဗွက်ပေါက်နေတဲ့
လမ်းတလျှောက် ကြော်လှော်နေကြတဲ့ ဆီပူအိုးတွေ ဆီပူအိုးတွေဆိုတာ။
ဖိုင်နယ်ဒစ်စတီနေရှင်း နောက်ဆက်တွဲတွေ မြန်မာပြည်မှာ ရိုက်ကောင်း
ရိုက်နေရဦးမယ်။ အိမ်ပြန်တဲ့အခါလည်း လမ်းလျှောက်ပြန်ဖို့တော့
မစဉ်းစားနဲ့။ ကားပေါ်ကနေ ပြစ်ခနဲ ထွေးလိုက်တဲ့ ကွမ်းသွေးတွေ သလိပ်ဖတ်တွေ
ထိနေမယ်။ လိုင်းကားလေးနဲ့ပြန်။ ကားနဲ့ ပြန်တယ်ဆိုပြီးတော့ ဟိုဟိုဒီဒီ
လျှောက်မကိုင်နဲ့ဦး၊ သူများရဲ့ ပီကေဖတ်တွေ၊ ချွဲတွေ လက်မှာ ပေကုန်မယ်။
အိမ်ပြန်ရောက်ရင် ညဘက် အင်စတန့် ကော်ဖီလေးလည်း သောက်လိုက်ဦး။ ဘာဓာတ်တွေ
ဘယ်လိုအချိုးနဲ့ ပါနေမှန်းတော့ မသိဘူး။ သောက်ကောင်းတာပဲ။ သေကာမှ သေရော။
ကြော်ငြာထားတာတွေကလည်း အလွန်။ မျိုမချပါနဲ့ ငုံထားပါ ဆိုလား ဘာလား။
ထားတော့ ကော်ဖီမကြိုက်ရင် ဘီယာဆိုင်သွား။ အိမ်မှာနေလဲ မီးပျက်နေမှာပဲ။
မထူးဘူး လင်းလင်းချင်းချင်း ရှိတဲ့ ဘီယာဆိုင်လေးသွားပြီး
အချိန်ဖြုန်းလိုက်။ တစ်ခွက် ၇၀၀ သောက်လိုက်စမ်းပါ ၆ခွက်လောက်တော့။
ဘာအရေးလဲ။ အသားကင်တွေ စားရင် ကင်ဆာဖြစ်တယ်ဆိုတာ မိုးလုံးပြည့်
မုသာဝါဒတွေပဲ ဖြစ်မှာပဲ။ ဒီတော့ ဝက်နံကင်လေး၊ ကြက်ဖင်ဆီဖူးကင်လေး၊
ငါးကင်လေး နဲ့ ဆွဲပစ်လိုက်။ အချိန်မတော် ပြန်လာလို့ အိမ်က
တံခါးမဖွင့်ပေးဘူးလား။ အနှိပ်ခန်း သွားအိပ်လို့ ရသေးတယ်။ မှိုလိုပေါက်နေတာ
ဘာအရေးလဲ။ ဝါသနာပါရင် ဝါသနာပါရင်.. အင်း အခန်းထဲ ထမင်းဟင်း မှာစားလို့
ရသေးတယ်လို့ ပြောမလို့။

ကဲ အိမ်ပြန်ရောက်ပြီး စာအုပ်လေးဖတ်ရင်း ခံတွင်းလေးဟာလာရင် လက်ဖက်သုတ်လေး
ဝါးချင်ဝါးလို့ ရသေးတယ်။ အောင်မလေး ဆိုးဆေးတွေ စိမ်ဆေးတွေဆိုတာ အခုမှ
ကြောက်နေကြတာ ကိုယ့်လူ။ တမြန်နှစ်က ကျုပ်ကြီးတော်ကြီး သေတုန်းက
ဘာမှန်းတောင် မသိလိုက်ဘူး။ ဒီလိုပဲ ဘာမှ မသိသေးတော့ သေရိုးသေစဉ်ပေါ့။
မြေချတော့တောင် သူကြိုက်တတ်တဲ့ လက်ဖက်လေး ထည့်ပေးလိုက်သေးတယ်။
လက်ဖက်သားလေးတွေဆိုတာ ဝင်းလို့။ အညွန့်လေးတွေဆိုတာ တောင့်လို့ ကော့လို့။
အလောင်းပြန်တူးပြီး တရားစွဲရ အခုဆို နိုင်ချင်နိုင်ဦးမှာပ။ ဘာအရေးလဲ။
ကိုယ်ကြိုက်တာလေးစားပြီး သေသွားတာ ကျေနပ်စရာကြီး မဟုတ်ဘူးလား။
နိုင်ငံခြားမှာ အဆင့်ဆင့် စစ်ဆေးမှုတွေနဲ့ စည်းကမ်းတွေက တင်းကျပ်၊
စနစ်တွေက မြင့်မား ခင်ဗျားတို့ စားချင်တာ စားရလို့လား။ တစ်နေ့ထမင်း
တစ်နေ့ဟင်း ကိုယ်တိုင် ဈေးသွားပြီး ဝယ်ကြည့်လိုက်ဦး။ Wet Market
ဆိုတာကို ဗွက်မားကတ်လို့ နာမည်တော့ တလွဲတွေ လာမပေးကြနဲ့။
သားဈေးငါးဈေးသွားတာ ဟန်လုပ်ဖို့မှ မလိုတာ။ အသက်လေး အောင့်တတ်ရင်
ခြေဖျားလေးထောက်ပြီး သွားတတ်ရင်၊ နားသည်းခံနိုင်ရင် လတ်လတ်ဆတ်ဆတ်
အကုန်ရတယ်။ ဘယ်လောက်ကောင်းတဲ့ ရွှေနိုင်ငံလဲ။ မြန်မာပြည်မှာ နေရတာ
ကောင်းတယ်။ ဆက်ရေးချင်ပေမယ့် မီးပျက်နေလို့ ဒီလောက်နဲ့ပဲ ရပ်လိုက်တယ်။

အီးမေးလ်က ရတာလေး ပြန်ရှဲတာပါ....
ကျွန်တော်လို့ပဲ စင်ကာပူပြန်လေးတစ်ယောက် ထင်ပါတယ်...ငှဲငှဲငှဲ